انت محتاج حد يشجعك و غالبا الدنيا هتبقى تمام. بس المشكله في انك تلاقي الي يشجعك ده، الي هيكون بيتعلم معاك و بيذاكر معاك و كده. انت قد تكون فاقد الأمل من البلد و الحال الي عبد المتناك السيس عمله في البلد، بس صدقني في فرص كتير اوي متاحه، ناقصها واحد عنده أمل و يقين انه هيقدر عادي بكل سهوله، و هي فعلا سهله مش صعبه.
>ايه الي سهل ده بالظبط؟
انك تقرأ كتاب، انك تذاكر (هي مازالت حاجه عويصه بس ممكنه و طالما غيرك عملها يبقى انت تقدر تعملها عادي جدا)، انك تخلص كورس و تشوف نتيجه فعلا منه و انك في الآخر تلاحظ انك عرفت حاجات جديده انت في الاول كنت مستغربها جدا و شايف انك مستحيل تعرفها، انك تعمل حاجه كبيره، و انك تكمل في شغل و يكون عندك شغف و واثق في نجاحه. دي حاجات عايزه وقت، و عايزه صبر عشان تتعمل، انا عايز اقولك انك تهدى و ما تاخدش الموضوع كإنه سباق، لما تيجي تقرا الكتاب، اقرأه على مهلك، اقرأ يعم الصفحه في 10 دقايق، خليها 20 دقيقه يعم، بس تاخد وقتك و ما تفكرش انك كده لما تقرا بسرعه و مستعجل كده انت هتخلصه بسرعه. انت خلي بالك هدفك المفروض من قرايتك لكتاب او متابعتك لكورس هو انك تستفيد منه، مش انك تخلصه في اسرع وقت، يعني لعل و عسى تكون المشكله عندك انك بتعوز تخلص الحاجه بسرعه و انت مش عارف. انت يعم عيد و زيد في اول 15 دقيقه من الكورس لمدة أيام (بتحصل على طول بجد صدقني) بس تكون طالع مستفيد.
انت ممكن تكون بردو حاسس انك عايز تعمل كذا حاجه، و دي مشكله و حاجه جميله في نفس الوقت. انت شوف انهي حاجه الي عايز تعملها و ركز عليها هي فقطططط ما ينفعش تعمل ميكس شوكولاته، هتبوظ منك و هتتشتت. ركز على حاجه واحده بس اعملها لحد ما تخلصها، و ما تعملش غيرها لحد ما تخلصها. صدقني هي مش حاجه عايزه مجهود عقلي ولا حاجه، انت بس يمكن عشان مش بتشوف ناس كتير بتعمل كده فأنت مش حاسس برغبه انك تعمل الحاجه "الغريبه عليك" دي. في كذا عامل لكده.
اتمنى اكون فيدتك بحاجه