ون بيس
على عكس الظاهر بس ون بيس باختصار ملحمة توسعية بتيار اشتراكي/ماركسي بتسرد فيه تاريخنا و حروبنا و الاحداث اللي حصلت في دول العالم من ساعت ما البشر نزلوا الارض باقتباس من اساطير و حضارات العالم و الفن بشكل عام و بتوضح سوداوية العالم و فساده و اللي بيحصل ورا الستارة مع تنبؤ لحاجات حصلت على أرض الواقع كانت موجودة في القصة و بتفهمك أن اقوى جيوش العالم ما هي إلا جيش خاص للنخبة و اصحاب الدائرة المستديرة و استخدام البروباجندا لتشويه الحقيقة زي ما هما عايزينها عن طريق التحكم بالميديا و تشويه صورة الاخيار و تزوير التاريخ و تحريف الأديان و استخدامها لغسل مخ الشعب و تلقيح مستمر على ال elites بتوع العالم... كل دا و الرسم بتاع القصة معمول بستايل كارتوني عشان كل الأعمار يعرفوا يتناولوها حتى لو كان طفل صغير او دكتور في جامعة و الفكرة تبقى متقدمة سهلة و بسيطة
هتلاقي حبكة مدهشة و foreshadowing رهيب من الكاتب حرفيا مفيش بانل اترسم هباء تقديم الشخصيات لو قدم شخصيتين في نفس البانل اعرف انهم parallels أو foils و في اركات في القصة بأحداث مشابهة لاركات قديمة الخ و التلاعب بالارقام برضو الارقام اليابانية ليها نطق بيلعب بيه و بيدمج الكلمات بالارقام سواء ارقام فصول أو ارقام اعمار أو ارقام أطوال الشخصيات أو ارقام الجوائز اللي عليهم أو تواريخ ميلادهم
صدقني مش بهزر انت لما تتعمق في ريديت و كوورا و تويتر و تشوف اللي الفانز بينزلوه هتتصدم من العبقرية بتاعت الكاتب
و بالنسبة لاقتباس شخصيات القصة
من شخصيات حقيقية من عالمنا سواء (فنانين/فلاسفة/عساكر/رجال دين/علماء/سياسيين بشكل عام/رواد اي مجال)
و من اساطير الحضارات المختلفة سواء (آلهة اي ديانات/وحوش و كائنات حواديت قبل النوم/الكائنات اللي بتطلع مع الشائعات والفلكلور)
و من الخيال اللي في الفن بشكل عام سواء من (افلام/مسلسلات/العاب/روايات/قصائد/موسيقى/مانجات/كوميكس/مسرحيات/رسومات)
ساعات ممكن تلاقيه جايب شخصية ميكس بين كل دول هتلاقي في شخصيات كدا اسمهم الجوروسي دول مقتبسين من سياسيين من عالمنا و من العناصر الخمسة الصينية و كواكب النظام الشمسي و آلهة الهند و الإغريق و قصة where the wild things are
الفكرة اصلا أنه معمول في comic medium يعني كوميك بووك الكاتب يقدر يفنن فيه و يرسم اللي على باله بالطريقة اللي هو عايزها
لوفي أو البطل الرئيسي بيمثل الكافر أو ال disbeliever و اشرار القصة كلهم بيعارضوا اديولجياته بشكل مباشر و كل شرير بطريقة أو بأخرى مفكر نفسه اله و يجي بقا البطل بتاع القصة هو تجسيد الحرية بشكل حرفي و معنوي
الديناميكيات بين الشخصية الرئيسية و الاشرار/الشخصيات الجانبية عبقرية
كل قتال حتى مش معمول لغرض الضرب و أنه يبقى في متعة لا بيبقى في theme معينة في القتال
لوفي ضد اينيل جسد ثيم بتاعة man vs god
لوفي ضد كاتاكوري مثل ثيم perfectionism vs imperfectionism
و لو كملت مش هنخلص
دونا عن كدا في شخصية موجودة في القصة اسمها بلاك بيرد دا الشرير الرئيسي بتاع القصة هو و لوفي تطبيق مثالي لل yin و ال yang وجهين لعملة واحدة و في نفس الوقت متضادين بلاك بيرد فيه خصال وحشة بس فيه نقطة بيضة و اتمنى للشخصية الرئيسية يوصل للي هو عايزه نفس الكلام مع البطل انانيته بتظهر ساعات و عنده خصال وحشة قليلة
واحدة من أهم الاشرار عبارة عن طفلة صغيرة هي اللي متحكمة بالعالم من ورا الستارة هي برضو ال author بتاع القصة و لوفي قوته لما ايقظها كسر الnarrative يعني الnarrative قالت إنه خير لكن هو رفض قواعد الكاتب و رجع كسب بعد ما أيقظ قوته اللي مش هقولك حاجة عليها عشان محرقش بس هي تجسيد مثالي للحرية اللي هو عايزها و يقدر يعمل بيها كل حاجة زي ما قال
اتمنى تقروا المانجا لأنها بالنسبالي افضل ما أنتجته البشرية إلى الآن