>>4558
انا معاك في انه من الغلط اننا نقفل علي حرية حد طالما دي فكرة البورد بس انا حاسس انك عندك خلل بسيط في انك تفرق مابين التعدي علي الحرية و انك ت keep things related to the originial thread.
كتم الناس و التعدي علي حرية بتاعتهم هو انك تمنع قولا واحدا الكلام عن موضوع معين ايا كان هو ايه , تنك مثلا مثلا كمثال عبيط تكون زملكاوي ف تمسح بوستات اي حد بيشجع الاهلي او بيتناقش في الكورة , ده تعدي حرية و ساعتها تكوت نكت فكرة الحرية و الايميج بورد , و ده مش الي انا قصدي عليه ولا الي مفروض يحصل , ولا بقول انك تمسح ثريدات الناس الي بتشتم , يا سيدي خلي الناس تشتم و تسب و تقول الي عايزاه , ما دي فكرة و هوية الايميج بوردز.
و لكن لما ال ثريدات (4375 , 4496 , 4438 ,4322 ,4507 ) يكونوا كلهم عن نفس الفكرة و نفس الشيء و نفس الشخص بينزلهم و نفس الناس بترد عليه , مش ده تعريف السبام؟ كل الثريدات دي كانت مممكن تكون تحت ثريد (4290) الي هو بدأ الحوار , و ساعتها اشطا سيب الكل يقول الي عايزه و انا مبسوط ان في ناس بتتكلم براتحتها و بتعبر عن رأيها , بس ده للاسف مش الي حصل.
و ده مش المثال الوحيد , و انا مش مشكلتي مع انون 95 ولا حد بيرد عليه او او , انا مشكلتي ان بدل ما الناس تحتوي كلامهم في ثريد واحد و المودز يمسحوا او يدو تحذير للناس الي بتنزل نفس الثريد ب نفس الكلام ثاني , مش بيعملوا كدة.
يا انون , يا مود , دلوقتي لما انا شخص جديد جاي البورد و يدوب مش هشوف غير الصفحة الرئيسية , هل هيكون مكان يشد الناس لما 4 -5 من الثريدات علي اول 3 صفحات تكون نفس الشخصين او الثلث اشخاص بيتخانقوا مع بعض؟ ده مش بس بيخفي الثريدات الثانية عن الناس , ثريد الاغاني و التيك و الشيتبوست و الصور و غيره من ثريدات بتموت عشان محدش شايفها , بل كمان بيبضن الناس.
انت كدة مش مدي الناس حرية , انت كدة شايل ايدك من التنظيم.