/egy/ - Egyptian Anons

18dba5cec6632ca055156e18ca55b1f03c5a9163b3191a2fb1646f26f8b48653.png
[Hide] (55KB, 2000x2000) Reverse

matrix's Documentation:
https://matrix.org/docs/chat_basics/
matrix's FAQ:
https://matrix.org/docs/older/faq/
matrix Clients:
https://matrix.org/ecosystem/clients/
Download Element (cross-platform, recommended matrix client):
https://element.io/download/

هنستخدم البروتوكول matrix لبساطة تجهيزه عن ريتروشير، ولكنه ليس ببديل لريتروشير. كل الي هتعمله هو تحميل client لـmatrix، بسبب انه بروتوكول، هيكون له clients تستخدم بيها البروتوكول ده. اشهرهم هو https://element.io المتاح على كذا منصه، مش كمبيوتر فقط، و ده هيتيح للأنونز إنها تستخدم التيليفون و الكمبيوتر للتواصل على matrix، و دي أفضليه. و بعيد عن توفره لكذا منصه، element ينصح به عموما. خلي في علمك إن مش فارقه انت بتستخدم انهي client، عادي اعتبرها مجرد واجهة فقط، لكن احنا مازلنا على نفس الشبكه. في clients تاني متاحه لمنصات و منصات لا، زي cinny و آخرون.
الهدف من استخدامنا لماتريكس (او اي منصة تواصل عموما بعيد عن البورده) هو اننا نجمع بعض كلنا في مكان واحد و نوصل لبعض أكتر. عايزين مكان نوحد بعض فيه، نكون مجتمع، بدل ما في انونز في مكان ما مفكرين ان خلاص تمنيه كن هتفضل خرا و مفيش من بعدها حاجه. و مستقبلاً هيكون في Bunkers كتير لينا على النت بنتجمع فيها كلنا. انا متأكد ان ثقافة الأنون (imageboards) هتعجب ناس كتير، مظنش الناس بتحب النورميز المقفولين و البضان الي بنشوفه في الدنيا حوالينا ده. و في الأنون المشغول و في الأنون المسحول و هكذا. بس البورده هتكبر مع الوقت.

في الثريد ده، كل أنون هيرسل الـMXID (إختصار Matrix ID) بتاعه في ريبلاي. الـMXID بيكون شكله كده:
@username:matrix.org
و من خلاله هيتم إضافتك. الـMXID انت بتعمله في اثناء تسجيل دخولك لأول مره (Sign Up). "matrix.org" الي في الآخر دي الـhomeserver و في كذا واحد. بس مش هتفرق، انت اختار matrix.org ده احسن واحد. إلا لو انت تقدر تعمل homeserver خاص بيك لو عزت، بس دي شغلانه كبيره. الي هيخليك تعمل حاجه زي كده هو خوفك على خصوصيتك. بس انت لو خايف على خصوصيتك مش هتستخدم ماتريكس. المهم، الـhomeserver ده بيتخزن فيه معلومات حسابك و بيانات التواصل الي دارت في حسابك من أولها لآخرها. يعني مفيش واحد افضل من التاني في حاجه، الأكثر إستخداماً هيكون الأكثر إستقراراً، فإستخدم matrix.org و خلاص. حط في علمك ان من اللازم يكون في سيرفر بيتخزن فيه البيانات، اي منصه تواصل كده.
بس في ريتروشير المنصه كلها P2P فمفيش سيرفر تابع لصناع المنصه يتخزن فيه معلومات، عشان ما لهاش لزمه طول ما كل المستخدمين يعتبرو سيرفر متخزن فيه معلومات بتتبعت للمستخدمين التانيين تلقائياً (P2P) و هكذا. ماتريكس مجرد بروتوكول، زيه زي xmpp، مش منصه، و احنا بنستخدم client ليها، فمن الطبيعي ان يكون في سيرفر أم يرسلنا البيانات و كده. لازم المعلومات دي تتخزن في حته (سيرفر) عشان تظهرلك و عشان تقدر تسجل دخول من اي جهاز.
ماتريكس مازالت لا مركزيه، لإنك تقدر تستضيف الـhomeserver الي بيتخزن فيه كل البيانات و المعلومات المتعلقه بحسابك، يعني حرفياً لا مركزي كده. انت مش بتكون مكبل على سيرفر واحد بس يتسجل فيه كل بياناتك، زي المنصات المركزيه. في ناس مش بتكون بسطتاعتها إستضافة homeserver، فبتستخدم اي واحد تاني. في الحاله دي الأحسن matrix.org. انما لو كانت مركزيه زي باقي المنصات المشهوره الغير أخلاقيه، فهيكون المستخدم ما عندهش خيار تاني غير استخدام السيرفر التابع لصناع المنصه.

نزلو الكلاينت الي يعجبكو و اعملو حساب، بعدها أرسلو الـMXID بتاعكو هنا في ريبلاي عشان اضيفه للجروب.
لو حد عنده اي أسئله، فل يتفضل بالسؤال. أي اقتراح لأي حاجه مقبوله برضو.